Հաճախորդների սպասարկման գրասենյակ +374 10 28 76 30

«Երազ Բնակելի» թաղամաս +374 94 28 76 30,  +374 93 54 55 45, +374 98 54 55 45

Երազ բնակելի թաղամասի բազմաբնակարան շենքային համալիրների սպասարկման վճարները և մատուցվող ծառայությունների ցանկը որոշվում է յուրաքանչյուր շենքի բնակիչների հետ:

Քանի որ «Գազպրոմ Արմենիա» ՓԲԸ-ն բազմաբնակարան շենքերը գազաֆիկացնում է բնակիչների մեծամասնության դիմում-հայտերի հիման վրա, այդ իսկ պատճառով «Երազ բնակելի» թաղամասը գազաֆիկացված չէ: Շենքերը հագեցած են կաթսայատներով, որոնք ապահովում են կենտրոնացված ջեռուցում և տաք ջրամատակարարում: Ծառայությունների վճարը գանձվելու է յուրաքանչյուր բնակարանում տեղադրված տաք ջրի և ջեռուցման հաշվիչների ցուցմունքներին համապատասխան, ինչն էլ ավելի մատչելի է քան անհատական ջեռուցման համակարգը:

Կառուցապատող է համարվում <<Միկշին >> ՍՊԸ-ն: Այն հիմնադրվել է 2007 թվականի մայիսին ՝ որպես շինարարական կազմակերպություն, որը և իրականցնում է «Երազ բնակելի» թաղամասի նախագծման և կառուցապատման աշխատանքները:

Ծրագրի նպատակն է բուժաշխատողներին, լրագրողներին և ՏՏ ոլորտի մասնագետներին մատչելի բնակարաններով ապահովելը, որը և նախատեսում է Երևան քաղաքի Արաբկիր վարչական շրջանի Ադոնց փողոցի 4, 4/3 հասցեներում կառուցվող բազմաբնակարանային շենքային համալիրի և ավտոկայանատեղերի մատչելի պայմաններով վաճառք:

Կառուցվող բազմաբնակարան շենքը գտնվում է Երևան քաղաքի Արաբկիր վարչական շրջանի Ադոնց փողոցի 4, 4/3 հասցեներում՝ «Երազ բնակելի» թաղամասում:

Բնակարան գնելու ցանկություն ունեցող մասնագետները <<Միկշին>> ՍՊ ընկերության  կողմից սահմանված ժամկետում և սահմանված ձևով դիմում-հայտ է ներկայացնում <<Միկշին>> ՍՊԸ:

<<Միկշին>> ՍՊ ընկերությունը  դիմում-հայտերը ընդունելուց  հետո դրանք ամփոփում է և կազմում է Երևան քաղաքի Արաբկիր վարչական շրջանի Ադոնց փողոցի 4, 4/3  հասցեներում կառուցվող բազմաբնակարան շենքային համալիրից բնակարան գնելու հավակնորդ մասնակիցների ցուցակը և հրապարակում է bnak.am  կայքում:

Բնակարանների վարկավորման պայմանները հետևյալն են՝

· Կանխավճար՝ 10 %-ից

· 10.5% տարեկան տոկոսադրույք

· Մինչև 20 տարի մարման ժամկետ

· Հիպոթեքային վարկի տոկոսագումարների ետ վերադարձ, համաձայն «Եկամտային հարկի մասին» ՀՀ օրենքի:

Ավտոկայանատեղերի վարկավորման պայմանները հետևյալն են՝

· Կանխավճար՝ 20 %

Ավտոկայանատեղիի գումարի մնացորդը,առանց տոկոսադրույքի, ամեն ամիս փոխանցվում է <<Միկշին>> ՍՊ ընկերության հաշվեհամարին  մինչև շենքի շինարարության ավարտը:

Բնակարանի համար մեկ քմ.-ի  նախատեսվող գինը՝ ներքին հարդարմամբ՝ 360.000 դրամ ՝  ներառյալ ավելացրած արժեքի հարկը,  առանց ներքին հարդարման, սակայն արտաքին դռների և պատուհանների տեղադրմամբ, սվաղած պատերով, ցեմենտյա շաղախից հատակով, ջեռուցման մարտկոցներով՝ 335.000 դրամ՝ ներառյալ ավելացված արժեքի հարկը և ավտոկայանատեղիի համար՝ 1.950.000 դրամ՝ ներառյալ ավելացված արժեքի հարկը:

<<Միկշին>> ՍՊ ընկերությանը առաջին կանխավճարը փոխանցելու օրվանից մինչև 36 ամսվա ընթացքում բնակարանների և ավտոկայանատեղիների հանձնում-ընդունում հավակնորդին և Կառուցվող շենքից անշարժ գույք գնելու իրավունքի և դրամական միջոցների մի մասի (1%) գրավի պայմանագիր կնքելու օրվանից մինչև 40 ամսվա ընթացքում, անշարժ գույքերի առուվաճառքի հիմնական պայմանագիր կնքում՝ <<Միկշին>> ՍՊ ընկերության և հավակնորդի միջև:

Բնակարանները հանձնվում են շահագործման ներքին հարդարմամբ և առանց ներքին հարդարման:

Ծրագրի  շրջանակներում ներքին հատակագծային փոփոխություններ հնարավոր չէ իրականացնել: Վարկառուն կամ գնորդը իրավունք են ստանում կատարել ներքին հատակագծային փոփոխություններ սեփականության վկայական ստանալուց հետո: